Մեր մասին

www.nationalidea.am պորտալը Քաղաքական հետազոտությունների կենտրոնի պարբերականն է։ Նախապես կայքը մտածված էր որպես «Ազգային գաղափար» ամսագրի էլեկտրոնային տարբերակ։ 2008թ. սեպտեմբերից Քաղաքական հետազոտությունների կենտրոնը սկսեց հրատարակել երկլեզվյա «Ազատամտություն» («Свободомыслие») օրաթերթը, որը, գոյություն ունենալով մեկուկես տարի, փակվեց իշխանական, ընդդիմադիր և որոշ քաղաքականացված կոմերցիոն խմբավորումների ճնշման տակ, թեև կարճ ժամանակում հասցրեց կայուն նիշա զբաղեցնել երկրի տեղեկատվական հարթությունում։ 2010թ. մարտից զգացվեց «Ազատամտության» նիշան պահպանելու պահանջ, և ամսագրի կայքը միանգամայն հարմար գործիք էր էլեկտրոնային թերթի թողարկման համար։
Ընդհուպ մինչև 2012թ. փետրվարը www.nationalidea.am-ը և՛ «Ազգային գաղափար» ամսագրի էլեկտրոնային տարբերակն էր, և՛ էլեկտրոնային օրաթերթ։ Սակայն մենք որոշում կայացրինք բաժանել կայքերը, և այսօր www.nationalidea.am-ը ներկայանում է միայն որպես էլեկտրոնային ամսագիր՝ Հայաստանի և ողջ աշխարհի մասին նորությունների բլոկով։ «Ազգային գաղափար» էլեկտրոնային օրաթերթն այսուհետ կարելի է կարդալ www.n-idea.am կայքում։
Ամսագրի խմբագրությունը շեշտը դնում է անկախ հեղինակների հետ համագործակցության վրա։ Կարճ ժամանակում մեզ հաջողվել է մշտական համագործակցություն հաստատել հետաքրքիր շատ անհատների հետ, որոնք գրում են հրատապ թեմաների մասին և լուծումներ առաջարկում կենսական շատ հիմնախնդիրների համար։ Նրանց մեջ են գիտության և մշակույթի գործիչներ (ակադեմիկոս Ռուբեն Վարդանյան, արվեստագետներ Սիրանույշ Գալստյան, Աննա Ասատրյան), քաղաքական և պետական գործիչներ (Արտաշես Գեղամյան, Վազգեն Մանուկյան, Սամվել Հարությունյան), հրապարակախոսներ և գրողներ (Հովհաննես Չարխչյան, Ռոմիկ Սարդարյան), օտարերկրյա և հայրենական քաղաքագետներ (Ալեքսանդր Կնյազև, Սերգեյ Մինասյան, Անդրեյ Արեշև)։ Մենք այսուհետ ևս կջանանք համագործակցել մտածող մարդկանց հետ, անկախ նրանց քաղաքական հայացքներից և համոզմունքներից, գեղարվեստական ճաշակից ու գաղափարախոսական հակումներից։
Քաղաքական հետազոտությունների կենտրոնի հիմնադիրը և տնօրենն է Արտյոմ Խաչատրյանը։

Հասցե` ք.Երևան, Այգեստան 9-րդ փող., տուն 4,

Հեռ.`: (374 10) 55 41 02, (374 10) 55 40 65

էլ. փոստ` office@prc.am, boss@prc.am