Մեկնաբանություններ
Ստրիպտիզ ակումբի բեմից նախարարի պաշտոնի
Սամվել ԳՐԻԳՈՐՅԱՆ
Վրաստանի էկոնոմիկայի նախարար Վերա Կոբալիան (լուսանկարում առաջինը աջից)հերքել է Կանադայում իր անցյալի մասին տեղեկությունները, որտեղ նա, ըստ ԶԼՄ-ների, պարել է ստրիպտիզ ակումբում: «Դա պարզապես ուսանողական երեկույթի լուսանկար է, սակայն այն որոշել եմ օգտագործել իմ դեմ: Ինչ-որ մեկը փորձում է նման ապատեղեկատվության միջոցով խոչընդոտել աշխատանքս, սակայն նրանց մոտ ոչինչ չի ստացվի», - հայտարարել է նա: Կոբալիան նույնպես ապատեղեկատվություն է հայտարարել համաշխարհային մի շարք ԶԼՄ-ների հաղորդագրությունները, թե նա իրականում չի աշխատել կանադական «Գլոբալ ԹիՎի» ընկերությունում և կեղծել է իր կենսագրությունը: «Այդ տեղեկությունները տարածվում են Ռուսաստանի պատվերով: Ես լավ հասկանում եմ, որ այսօր Ռուսաստանը չի ցանկանում Վրաստանի ամրապնդումը, որպեսզի այն ուժեղ երկիր լինի, զարգանա նրա տնտեսությունը, դրա համար էլ դիմում են նման կեղտոտ մեթոդների», - նշել է նախարարը:
Նշենք, որ Վրաստանի էկոնոմիկայի նախարարն ընդամենը 28 տարեկան է: Նախագահ Սաակաշվիլիի կողմից նման պատասխանատու պաշտոնին նրա նշանակելու փաստը ոչ միանշանակ արձագանք է առաջացրել վրացական հասարակությունում: Օրինակ`Վրաստանի Լոյբորիստական կուսակցության գլխավոր քարտուղար Իոսիֆ Շատբերաշվիլին պնդում է, որ Կանադայում Կոբալիան հաղթուխ է եղել և պարել է ստրիպտիզ ակումբում, այնպես որ էկոնոմիկայի հետ ոչ մի կապ չունի:
Գնահատում
